Prej kohësh mesfushori Youri Tielemans vijon të konsiderohet si një ndër më premtuesit për të ardhmen . Sakrificat e mëdha me Leicester City-n pak e nga pak po i japin rezultatet për belgun . Këtë fakt e konfirmon interesi i Real Madridit dhe së fundmi Atletico Madridit . Traineri Diego Simeone nuk ia ka shqitur sytë 24 vjeçarit të cilin e cilëson një përforcim ideal për skuadrën e tij e cila kërkon të mbushë boshllëkun e lënë nga Saul Niguez .
Largimi i një lojtari të tillë është një humbje e madhe për ‘’ Los Colchoneros ‘’ dhe Youri Tielemans është një kandidat ideal për mesfushën .
Avantazhi i yllit të ‘’ The Foxes ‘’ është se e finalizon kontratën me anglezët në 2023- shin dhe merkatoja e ardhshme verore do ti imponojë shitjen e ishi-t të Monacos për të evituar largimin nga ‘’ King Power ‘’ me parametër zero . Mbetet për tu parë vazhdimësia e kësaj çështje sepse nëse Leicester City nuk do arrijë akordin me Youri Tielemans , Atleticos do ti rriten automatikisht shanset për ta transferuar në ‘’ Wanda Metropolitano ‘’ .
Suksesi i arritur në La Liga e ka rritur përgjegjësinë e ‘’ El Cholos ‘’ të cilit i duhet të tregohet pragmatik në zgjedhjet e rradhës dhe rasti konkret nëse do të ketë një fund të lumtur padyshim që do të cilësohej një nga goditjet më të bujshme të merkatos .
Deri në këtë stad të sezonit Youri Tielemans ka përformuar ashtu siç duhet nën urdhërat e Brendan Rodgers duke i kanalizuar cilësitë në 11 takime dhe 1 gol .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
