Etrit Berisha, kapiteni dhe portieri i Kombëtares, është infektuar me COVID-19. Sipas SPAL, klubit ku militon gardiani kuqezi, ai është infektuar në ndeshjet që Kombëtarja luajti kundër Kazakistanit me 15 dhe 18 nëntor.
Aktualisht futbollisti është karantinuar që prej ditës së djeshme ku edhe rezultoi pozitiv, ndërsa nuk ka patur asnjë kontakt me pjesën tjetër të stafit.
Berisha nuk është i vetmi që rezultoi pozitiv në Kombëtaren shqiptare pasi një ditë para ndeshjes me Bjellorusinë Elseid Hysaj pati të njëjtin fat të keq. Ndërkohë futbollistët e tjerë kuqezi që kanë rezultuar pozitiv edhe pse jo në kohën kur ishin me kuqezinjtë janë Thomas Strakosha, Marash Kumbulla, por edhe Myrto Uzuni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
