Pas formës së shkëlqyer që kishte treguar me Vitesse dhe Chelsea, tashmë Armando Broja ka shpërthyer edhe te Shqipëria.
Sulmuesi 19-vjeçar, pas golit të shënuar ndaj Hungarisë, ka gjetur sërish rrugën e rrjetës edhe ndaj San Marinos, ndonëse në të dyja ndeshjet u fut nga stoli.
Përveç golit të shënuar, ndaj San Marinos, Broja bëri edhe një gjest shumë të mirë, teksa i vetëm me portierin, vendosi të pasonte te Myrto Uzuni, për ta shënuar ky i fundit golin e pestë të Shqipërisë.
Kjo formë e shkëlqyer, ka bërë që sulmuesi i Kombëtares të rreshtohet në formacion e më të mirëve, për raundin e 6-të, të kualifikueseve të Botërorit Katar 2022. Faqja e specializuar e statistikave “SofaScore”, e ka vendosur Brojën në formacionin e më të mirëve, së bashku me emra të njohur, siç është Haaland, Depay, Griezmann, Pjanic apo edhe Odegaard.
Me plotë gojë, tashmë mund të thuhet se Broja po jeton një ëndërr në moshën 19-vjeçare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
