Portieri Yassine Bono prej sezonesh konsiderohet një ndër më të mirët në qarkullim, fakt që e demostroi edhe në Botërorin e Katarit.
Gardiani i Sevillas tashmë është bërë pjesë e planeve të Milanit , Romës, Leedsit dhe West Hamit .
Kuqezinjtë do të zhvillojnë një supersfidë me ‘’ Verdhekuqtë ‘’ pa anashkaluar edhe interesin e anglezëve për 31 vjeçarin.
Kontrata e marokenit me Sevillan skadon në 30 qershorin e 2024-tës dhe prej kohësh andaluzët po e analizojnë shitjen e mundshme të Yassine Bonos për të evituar largimin nga ‘’ Sanchez Pizjuan me parametër zero.
Ishi i Gironës prej katër vitesh aktivizohet me spanjollët , të cilat përmblidhen në 126 sfida , 115 gola të pësuar dhe në 55 të tjera e ka mbajtur portën të paprekur.
Në këtë fazë të karrierës sigurisht interesi sidomos i Milanit dhe kryeqytetasve tregon një vlerësim për këtë portier , i cili arriti një sukses historik me Marokun duke shkuar deri në gjysëmfinale dhe gjithashtu rezultoi determinant në fazën me eleminim direkt në të cilën afrikanët eleminuan Spanjën me penallti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
