Tjetër humbje për Egnatian, Kastriotit i mjafton një gol për të marrë 3 pikët

Egnatia ka pësuar një tjetër humbje në kampionat, teksa ditën e sotme është mposhtur minimalisht nga Kastrioti, në një sfidë direkte për mbijetesën.

Pas pjesës së parë të vakët nga të dyja skuadrat, në të dytën krutanët u shfaqën më kërkues, duke gjetur edhe golin, që në fund vlen 3 pikët.

Në minutën e 62, Spartak Ajazi gjuajti bukur me kokë pas një asisti të marrë nga Abër Basha, duke e ndalur topin në fundin e rrjetës. Pas kësaj, rrogozhinasit nuk ia dolën dot të shënonin të paktën 1 gol, duke bërë kështu që Kastrioti të marrë fitoren.

Me këtë fitore Kastrioti shkon në kuotën e 8 pikëve në vendin e fundit, 3 pikë më pak se Egnatia e vendit të 9-të.