Një gol i Poulsen i ka mjaftuar Danimarkës për të dal me pikë të plota nga ndeshja e parë në Grupin C.
Danezët mposhtën Perunë me rezultatin e ngushtë 1-0, e cila u rikthye në Botërorin e Rusisë pas 36 vitesh dhe i është bashkuar Francës në vendin e parë.
Pjesa e parë e takimit ishte pak a shumë e barabartë, por me Perunë që pati rastet më të mira për gol.
Andre Carrillo në minutën e 13 dhe Jefferson Farfan në të 29 tentuan ta gjejnë rrugën e rrjetës, por pa arritur t’i ndryshojnë shifrat.
Rasti më i mirë në këtë pjesë lojë ishte ai i minutës së fundit, por Christian Cueva humbi një penallti duke goditur lart mbi portë.
Në pjesën e dytë, përsëri Peruja ishte për një nuancë më e mirë, por skandinavët arritën t’i befasojnë duke gjetur golin të parë.
Por të gjithë prisnin golin e e amerikano latinëve, Yussuf Poulsen zhbllokon takimin në minutën e 59-të pas një asist të yllit të skuadrës Christian Eriksen.
Me këtë fitore Danimarka ngjitet në vendin e parë në kuotën e 3 pikëve, aq sa Franca që në ndeshjen e radhës do të mas forcat me Perunë, ndërsa Danimarka do të pres Australinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
