Napoli i surprizoi të gjithë këtë sezon në Serie A, teksa e nisi kampionatin me objektiv Champions League, por deri pak javë para fundit luftuan për titullin kampion.
Trajneri Luciano Spalletti, ka bërë një punë të shkëlqyer me të kaltrit, por përsëri e ardhmja e tij nuk është e sigurt. Humbja e fundit me Empolin, ka trazuar ujërat te Napoli.
Sipas asaj që raportojnë mediat italiane, tre trajnerë janë në listë për të marrë drejtimin e Napolit. Bëhet fjalë për Vicezno Italiano, Gian Piero Gasperini dhe Roberto De Zerbi.
Të tre trajnerët e njohin mirë kampionatin dhe janë alternativa për stolin e të kaltërve. Megjithatë presidenti De Laurentiis nuk ka vendosur ende dhe ekziston edhe mundësia për të qëndruar Spalletti, i cili ka edhe një vit kontratë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
