Futbolli shqiptar, do të luajë disa ndeshje të rëndësishme këtë fundjavë, të cilat transmetohen si gjithmonë në ekranin e MCN.
Të shtunën, është planifikuar sfida e Kategorisë së Parë, mes Lushnjës dhe Bylisit, e cila do të luhet në orën 15:00 dhe transmetohet në ekranin e MCN TV.
E diela rezervon tri takime tejet interesante. Në orën 15:00, Kukësi pret në shtëpi Dinamon, në një sfidë ku fitorja është detyrim për të dyja ekipet.
Në orën 18:00, Teuta dhe Laçi, përballen mes tyre, në një ndeshje direkte për t’iu larguar fundit.
Dy orë më vonë, është planifikuar edhe supersfida e kësaj jave, mes Partizanit dhe Vllaznisë. Dy ekipet që luftojnë për titullin kampion, përballen mes tyre, duke filluar nga ora 20:00, në stadiumin “Air Albania”. Këto tri përballje, do të transmetohen në MCN 24.
Dy ndeshjet e tjera, do të luhet të hënën në orën 18:00. Skënderbeu pret në shtëpi Tiranën, në ndeshjen që do të transmetohet në MCN TV, ndërsa në MCN 24, mund të ndiqni sfidën tjetër, mes Erzenit dhe Egnatias.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
