Fillimi i kampionatit të Kategorisë Superiore është shtyrë me një afat të pacaktuar.
Duke pranuar kërkesën e Ligës Profesioniste, Komiteti Ekzekutiv i FSHF-së caktoi shtyrjen e Kategorisë Superiore pa afat.
“Komiteti Ekzekutiv i FSHF-së më datë 10.09.2020, pasi u njoh me kërkesën e paraqitur nga Liga Profesioniste për shtyrjen e datës së fillimit të kampionatit të Kategorisë Superiore, sezoni 2020/2021 vendosi të miratojë kërkesën e Ligës Profesioniste të Futbollit për shtyrjen e datës së fillimit të sezonit futbollistik 2020/2021 me afat të pacaktuar. Ky vendim hyn në fuqi menjëherë”, – shkruhet në vendimin e Komitetit Ekzekutiv të FSHF-së.
Pavarësisht se më herët presidentët e klubeve kanë rënë dakord për bojkotimin e kampionatit, FShF sërish zhvilloi shortin e ndeshjeve.
Kujtojmë që vendimi për bojkotimin e Kategorisë Superiore u mor në unanimitet gjatë mbledhjen e Anëtarëve të Ligës Profesioniste të Futbollit të datës 05/09/2020.
Liga Profesioniste si dhe të gjithë klubet shqitptare tashmë janë në pritje të një vendimi nga qeveria për t’i ndihmuar.
Liga i është drejtuar nëpërmjet letrës dërguar më datë 10.08.2020 Kryeministrit të Shqipërisë, Edi Rama dhe Kuvendit të Shqipërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
