Koha kalon shumë shpejt dhe drejtuesit e çdo ekipi e rrisin vigjilencën në funksion të përmirësimit gjatë merkatos.
Manchester United i Ten Hag parashikohet se do të jetë një ndër më aktivët gjatë dimrit , i impulsuar sigurisht edhe nga potenciali në aspektin ekonomik.
Hollandezi kohë pas kohe i rikthehet të kaluarës dhe ia vendos gishtin ish nxënësve të tij , me të cilët përjetoi eksperienca të bukura kur drejtonte Ajaxin .
Sipas ‘ Sport ‘ Frenkie De Jong konsiderohet një ndër elementët që i mungojnë ‘’ The Red Devilsave ‘’ në mesfushë dhe mungesa e efikasitetit gjatë ndeshjeve e ka shqetësuar jo pak numrin një të pankinës .
Kapaciteti i 25 vjeçarit vijon ta impresionojë Erik Ten Hagun dhe konsideron se projektit ambicioz të 20 herë kampionëve të Premier Leagues duhet ti bashkohet një lojtar si Frenkie De Jong.
Bëhet hera e disatë që Manchester United interesohet për yllin hollandez dhe sigurisht situata aktuale e katalanasve i jep pak mundësi për të vijuar në ‘’ Camp Nou ‘’ duke qenë se rrezikojnë eleminimin nga faza e grupeve në Champions League por duhet theksuar se edhe Manchester United performon në Europa League , fakt që ndoshta mund ta ndërlikojë transferimin në ‘’ Old Trafford ‘’.
Një aspekt që padiskutim i favorizon anglezët është ai ekonomik dhe një ofertë e bujshme në adresë të spanjollëve mund ta ndryshojë të ardhmen e talentit të kombëtares së ‘’ Tulipanëve ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
