Ecuria shumë e mirë e Arsenalit në Premier League në këtë fillim sezoni sigurisht është falë trainerit Mikel Arteta dhe lojtarëve në përbërje.
Shumë prej tyre kanë filluar të spikasin dhe drejtuesit e ‘’ Topchinjve ‘’ po e analizojnë seriozisht vijimësinë në ‘’ Emirates ‘’.
Në listë është edhe Bukayo Saka, nxënës shembullor i Mikel Artetas i cili sipas ‘ The Athletic ‘ ka rinovuar kontratën deri në 2031-shin.
24 vjeçarit i mbetet edhe shumë për të treguar, i cili i ka qëndruar besnik londinezëve gjatë karrierës dhe momentalisht është golashënuesi më i mirë, bashkë me Viktor Gyokeres dhe Leandro Trossard me nga 7 gola.
Sigurisht Arsenali pretendon të rikthehet përsëri në majën e kampionatit anglez dhe ta fitojë titullin, i cili mungon që prej 2004-tës.
Nderkohë, referuar performancës në Champions League duhet theksuar se historia vijon me të njëjtin ritëm duke qenë se Arsenali kryeson në renditje, me 6 fitore në 6 sfidat e zhvilluara.
Me këto arritje reflektohet puna e palodhur e strategut spanjoll dhe lojtarëve dhe në rastin konkret duhet thënë se Bukayo Saka numëron 290 sfida dhe 154 gola, një Fa Cup dhe dy Community Shield.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
