Napoli, ofensivë për Ounahi

 Botërori i Katarit rezultoi një shpresë e madhe për shumë lojtarë në lidhje me të ardhmen .

Gjatë merkatos se dimrit priten shumë transferime dhe kryesuesi i Serisë A deri në këto momente Napoli ka filluar tratativat për të firmosur me Azzedine Ounahi .

Sipas Fabrizio Romanos ‘’ Il Partenopei ‘’ po mendojnë formulën për bindjen e 22 vjeçarit , i cili në lidhje me këtë interes është shprehur :

“  Do të zgjedh skuadrën e re duke iu referuar projektit më bindës ‘’, theksoi marokeni. Megjithatë , drejtuesit e Angers tanimë e kanë të qartë se e ardhmja e ishi-t të modestëve të Avranches do të jetë në një tjetër ekip, largimi i të cilit do të mbushte arkat e modestëve të Ligue 1.

Edhe Barcelona me Atletico Madridin prej kohësh po mundohen ta arrijnë këtë objektiv por si duket italianët janë më të avantazhuar për të marrë shërbimet e afrikanit.

Vlera e këtij operacioni mendohet të arrijë 20 milionë eurot , ashtu siç është raportuar nga Gianluca Di Marizio, për të cilën Angersi duket se është dakord.

Pavarësisht se është akoma herët , të besuarit e Luciano Spallettit janë përfaqësuar denjësisht në kampionat dhe në Champions League , kompeticion ku do të masin forcat me Frankfurtin në fazën me eleminim direkt.