Achraf Hakimi do të largohet nga Interi në këtë merkato. Zikaltërit janë në situatë të vështirë ekonomike dhe për këtë arsye kanë vendosur të sakrifikojnë një nga yjet e skuadrës.
Mbrojtësi maroken pritet të vazhdojë karrierën në Francë, te skuadra e Paris Saint-German. Këta të fundit e ndjekin prej kohësh lojtarin dhe kanë vendosur të bëjnë lëvizjen e fundit për ta marrë në skuadër.
Sipas asaj që raportojnë mediat italiane, francezët kanë bërë një ofertë prej 70 milionë eurosh, e cila duket se ka kënaqur drejtuesit e Interit. Këta të fundit janë gati të pranojnë ofertën dhe në orët e ardhshme pritet të bëhet edhe lëvizja e fundit, ku do të vijë edhe zyrtarizimi, nëse gjithçka shkon sipas planit. PSG ka fituar kështu garën me Chelsea, që gjithashtu kishte shfaqur interes për të marrë mbrojtësin Hakimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
