Salah në mëdyshje për të ardhmen

Sulmuesi Mohamed Salah vijon ta stërzgjasë rinovimin me Liverpoolin dhe ky fakt ka prodhuar dyshime për qëndrimin në ‘’ Anfield Road ‘’.

Egjiptiani e ka rritur shumë nivelin tek ‘’ The Redsat ‘’  në çdo sezon dhe duke marrë parasysh këtë situatë, e ka konsideruar jo të mjaftueshme ofertën e anglezëve  dhe sipas ‘ The Athletic ‘  ka bërë kërkesë për të përfituar po aq sa mesfushori i Manchester City-t Kevin De Bruyne.

Peticioni i sulmuesit nuk është aprovuar nga Liverpooli dhe afrikani ka deklaruar se nuk e ka problem ndërrimin e destinacionit pavarësisht se kontrata skadon në 30 qershorin e 2023-shit.  

29 vjeçari beson se meriton 20 milionë euro në sezon duke iu referuar rendimentit në vitet  e fundit por duke qenë se nuk ka marrë përgjigjen e dëshiruar, ndoshta do ti ndërpresë marrëdhëniet shumë shpejt me këtë klub pavarësisht se gjatë katër viteve është konsideruar ndër më të mirët e Jurgen Kloppit në vijën sulmuese.  

Tridenti i formuar me Firminon dhe Manen e ka ndihmuar ishi-n e Bazelit për tu shëndërruar në të papërballueshëm dhe sezonin e finalizoi me  31 gola dhe 16 asiste në 51 sfida .

Për një bomber të tillë sigurisht ofertat nuk do të mungojnë dhe nëse Liverpooli do të vijojë me refuzimet , fatkeqësisht do të humbasë një ndër më të mirët e aktualitetit.

Anglezët e treguan edhe një herë në finalen e Champions Leagues se diçka nuk shkon kur përballen me Real Madridin pasi u mposhtën për të dytën herë në pak vite por qëllimet e drejtuesve lidhen me qëndrimin e yjeve për të mos e prishur harmoninë brenda grupit pavarësisht se sezoni nuk u finalizua me sukses.