Gazetari Alban Xhihani, komentoi dorëheqjen e trajnerit Luigi Bi Biagio nga drejtimi i Dinamos.
Në emisionin “Skaner” në MCN TV, Xhihani deklaroi se trajneri e humbi skuadrën me zëvendësimet ndaj Egnatias, ndërsa shtoi se edhe lojtarët duhet të marrin përgjegjësitë e tyre.
Vetëm 3 skuadra nuk kanë ndryshuar trajner. Janë shumë largime. Di Biagio bëri mirë që priti xhiron e parë. Largimi është i mirë, por pyetja është a i zgjidh Dinamo problemet me largimin e trajnerit?!
Skuadra nuk ka identitetin e saj. Mos ndoshta kësaj Dinamo, i kemi kërkuar më shumë nga sa e ka potencialin?! Di Biagio nuk ka pasur karrierë të suksesshme si trajner, por nuk dua ta paragjykoj këtë. Hyrën në një vorbull, nga ku nuk po dalin dot.
Skuadrën e humbi në ndeshjen me Egnatian, me zëvendësimet e bëra. Largimi i Memushajt, ishte një shenjë, për situatën brenda skuadrës. Lojtarët duhet të marrin përgjegjësitë e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
