Kombëtarja e Ekuadorit me shumë mundësi do të përjashtohet nga Botërori i Katarit dhe zyrtarizimi pritet të vijë në orët e ardhshme.
Sipas “Azteca”, FIFA ka vendosur ta përjashtojë Ekuadorin dhe në vendin e tyre në Botëror do të marrë pjesë Kili.
Ky përjashtim vjen, për shkak të lojtarit të Ekuadorit, Byron Castillo, i cili ka falsifikuar dokumentet e lindjes. Futbollisti në fjalë ka lindur në Tumaco të Kolumbisë dhe jo në Ekuador, ashtu siç thuhet në dokumentet e dorëzuara.
Thuhet se kjo është pranuar edhe nga federata e Ekuadorit dhe kombëtarja do të dënohet me përjashtimin nga Botërori. Castillo u aktivizua me Ekuadorin në 8 ndeshje gjatë kualifikueseve të Botërori, duke dhënë një kontribut të madh, për kombëtaren që u rendit në vendin e katërt.
Vendin në Botëror do e marrë Kili, që u përball me Ekuadorin dy herë, kur Castillo ishte në fushë, dhe në një ndeshje humbi, ndërsa në tjetrën barazoi. Kështu Kili merr 6 pikë dhe shkon në kuotën e 25 pikëve, duke kaluar Perunë dhe Kolumbinë, për të marrë vendin katërt që mbahej nga Ekuadori.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
