Autobusi me ekipin e Izraelit ka mbërritur në orën 17 e 22 minuta para stadiumit Elbasan Arena.
Nga pakujdesia, njëri nga dy autobusët që transportoi ekipin e Izraelit, është përplasur me një shtyllë ndriçimi duke e rrëzuar përtokë.
Futbollistët izraelitë ndodheshin në autobus kur ndodhi aksidenti, por nuk kanë pasur asnjë lloj dëmtimi, raporton Balkanweb.
Izraeli ka bërë seancën e zakonshme stërvitore sonte në Elbasan Arena, ndërsa nesër do të përballet me Kombëtaren Shqiptare në orën 20:45.
Për t’u përmendur është fakti që policia ka marrë masa të shumta për sigurimin e aktivitet sportiv dhe lëvizjen e ekipit izraelit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
