Pas ofensivës së Villarealit për Artem Dovbyk, drejtuesit e Napolit i kanë trokitur në derë. Ukrahinasi spikati në të shkuarën e afërt tek Girona dhe më pas u transferua tek Roma.
Paraqitjet shumë të mira tashmë i kanë siguruar një tjetër pretendent cilësor.
Gjatë merkatos së verës spanjollët insistuan për ta rikthyer në La Liga por ‘’ Verdhekuqtë ‘’ ia arritën të rezistojnë. Duhet kujtuar se presidenca e kryeqytetasve synon të arkëtojë rreth 40 milionë euro për 28 vjeçarin, i cili ka mbetur paksa në prapavijë që pas mbërritjes në ‘’ Olimpico ‘’ të Gian Piero Gasperinit.
Natyrisht që tek ish fituesit e Conference Leagues ka nisur një tjetër etapë dhe tashmë dyert e ‘’ Diego Armando Maradonas ‘’ janë hapur për Artem Dovbyk.
Sipas ‘ Football Italia ‘, presidenti Aurelio Di Laurentis i ka ofruar një kontratë për gjashtë sezone dhe në secilin prej tyre do të përfitojë 3 milionë euro.
Nëse i referohemi ekipit nga Castellon duhet shtuar se pretendimi i lojtarit në fjalë konsiderohet i tepërt dhe në këtë aspekt ‘’ Il Partenopei ‘’ janë të avantazhuar automatikisht.
Në sezonin e kaluar e përfaqësoi denjësisht Romën, duke kontribuar me 17 gola në 45 sfida, përfshirë të gjithë kompeticionet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
