Apolonia triumfoi në derbi, teksa mposhti me shifrat e thella 4-1 Bylisin, në ndeshjen e vlefshme për javën e 30-të në Kategorinë e Parë.
Sfida e zhvilluar në “Loni Papuçiu” të Fierit nuk kishte shumë histori, teksa pa vendasit dominues gjatë gjithë kohës.
Golat për Apoloninë u shënuan nga Umeijego në fundin e pjesës së parë dhe Trifoni, Maksuti e Omeri në pjesën e dytë. Golin e vetëm për ballshiotët e shënoi Kibe në fund me penallti.
Ky rezultat e mban Bylisin në vendin e dytë me 67 pikë, 3 më pak se Elbasani kryesues, ndërsa Apolonia renditet e pesta me 46 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
