Ecuria e shkëlqyer e Hakim Ziyech në Botërorin e Katarit , në të cilin Maroku ka hedhur një hap shumë të rëndësishëm duke u kualifikuar për në çerekfinale , sigurisht është pasuar me insistimin e Milanit për kalimin e mesfushorit në ‘’ San Siro ‘’.
Marokeni u transferua nga Ajax Amsterdami tek Chelsea në verën e 2020-tës kundrejt 40 milionë eurove por fillimisht me Frank Lampard , më pas me Thomas Tuchel dhe së fundmi nën drejtimin e Graham Potter nuk i ka përmbushur pritshmëritë dhe kuqezinjtë duan të përfitojnë në merkaton e janarit për ta bërë pjesë të organikës.
Gjithsesi duhet theksuar se Botërori sigurisht e ka ndryshuar rrjedhën e ngjarjeve dhe pritet një reagim nga ana e ‘’ Bluve të Londrës ‘’ , pavarësisht se sipas ‘ Calciomercatos ‘ , Milani ka dërguar drejtues për ta parë nga afër në çerekfinalen kundër Portugalisë.
Fitimi i Scudettos në vitin e kaluar ishte një sukses historik për shtatë herë kampionët e Champions Leagues , të cilët po mendojnë nëse do ta huazojnë 29 vjeçarin apo do të blejnë kartonin e tij .
Eksperienca prej dy sezonesh e gjysëm tek Chelsea është shoqëruar me fitimin e disa trofeve të rëndësishëm , si Champions League , Superkupa e Europës dhe Botërori i Klubeve , shtuar 14 gola dhe 10 asiste në 92 sfida të zhvilluara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
