Gleison Bremer është lojtari më i ri i Juventusit. Ndonëse mbrojtësi ka qenë një objektiv i Interit, me këta të fundit që kishin arritur akordin me lojtarin nga muaji janar, orët e fundit kanë rezultuar vendimtare.
Pas largimit të De Ligt, drejtuesit e Juventusit nuk vonuan shumë për të gjetur zëvendësuesin, duke bindur Torinon me 40 milionë euro. Gjithashtu Bremer ka firmosur një kontratë 5-vjeçare, nga e cila do të përfitojë 5 milionë euro në sezon.
25-vjeçari ishte një nga mbrojtësit më të spikatur në sezonin e fundit në Serie A dhe kjo bëri që në gjurmët e tij të vihen disa nga skuadrat më të rëndësishme europiane, por Juventusi u tregua më i shpejtë, duke e zyrtarizuar ditën e sotme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
