Aktualisht Nico Williams është një ndër sulmuesit më të spikatur jo vetëm të Athletic Bilbaos por edhe të La Ligas.
Për spanjollin disa pretendentë i kanë trokitur në derë vaskëve, kontrata e të cilit skadon në 30 qershor, e shoqëruar me një klauzolë prej 50 milionë eurosh.
Pretendentët më seriozë janë në Premier League, emri i të cilëve ende nuk është bërë me dije dhe tanimë vendimi i takon drejtuesve të ‘’ Los Rojiblancos ‘’.
Nën drejtimin e Ernesto Valverdes, Athletic Bilbao po zhvillon një sezon tejet shpresëdhënës, ekip i cili momentalisht renditet në zonën e Europës, edhe pse asgjë nuk është e sigurtë deri në fund.
Gjatë kësaj kohe drejtuesit kanë tentuar rinovimin e kontratës me 21 vjeçarin por pa rezultat, fakt që ka shkaktuar një lloj nervozizmi tek ‘’ Luanët ‘’.
Këmbanat e alarmit tashmë kanë rënë për golashenuesin, për të cilin s’përjashtohet se mund të shëndërrohet në një ndër protagonistët e merkatos së verës.
Kur flitet për ekipet e Premier Leagues, sigurisht gjëja e parë që të shkon ndërmend është potenciali i tyre në aspektin ekonomik dhe duke iu referuar rendimentit të deritanishëm të Nico Williams, i reflektuar në 24 sfida, 5 gola dhe 9 asiste, statistika të shoqëruara me një lojë mbresëlënse, arrihet në konkluzionin se mund të largohet nga ‘’ San Mames ‘’ në fundin e sezonit.
Ja vlen të shtohet se Nico Williams është aktivizuar rregullisht edhe me kombëtaren ‘’ La Furia Roja ‘’, i cili konsiderohet një vlerë e shtuar nga Luis de la Fuente.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
