Novak Djokovic nuk ia del dot. Tenisti serbi, është tërhequr nga Roland Garros, për shkak të një dëmtimi në gju.
Kjo tërheqje në çerekfinale, zbret 37-vjeçarin nga vendi i parë në ATP, që tashmë mbahet nga Jannik Sinner. Pavarësisht ecurisë së tenistit italian në pjesën e mbetur të turneut francez, ai do t’i marrë vendin Djokovic-it.
Për të mbajtur kryesimin, serbi duhej të arrinte të paktën në finalen e Roland Garros.
Kjo është padyshim një arritje e madhe për 22-vjeçarin Sinner, që bën kështu realitet ëndrrën e tij, duke u ngjitur për herë të parë në histori në krye të renditjes për tenistë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
