Traineri i Gironas Michel në sezonin aktual ka rezultuar një ndër risitë, sidomos në La Liga.
Spanjolli për herë të parë në histori i ka kualifikuar katalanasit në Champions League dhe deri në javët e fundit ekipi i tij ka luftuar për të ndryshuar rrjedhën e këtij kampionati.
Pas kësaj arritje, për 48 vjeçarin ka shfaqur interes Chelsea, drejtuesit e të cilit po shqyrtojnë edhe të tjera alternativa si Sebastian Hoeness i Stuttgartit, Kieran McKenna i Ipswich Townit, ekip i ngjitur në Premier League, Enzo Maresca i Leicester City-t dhe Thomas Frank i Brentfordit.
Ideja e ‘’ Bluve të Londrës ‘’ është marrëveshja me një trainer i cili i jep prioritet lojës ofensive dhe formimit të një ekipi solid në prapavijë.
Kapaciteti i treguar në një ndër ligat më të rëndësishme të Europës e shëndërron natyrisht në një kandidat potencial për të marrë drejtimin e anglezëve, një ekip i cili do të përfaqësohet në Conference League në sezonin vijues.
Statistikat e Michel me Gironan meritojnë duartrokitje, trainer i cili e dërgoi këtë skuadër deri në fazën çerekfinale të Kupës së Mbretit dhe e renditi në vendin e tretë në kampionat, pas Real Madridit dhe Barcelonës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
