Ermal Tahiri do të kandidojë për anëtar të Komitetit Ekzekutiv në FSHF dhe diçka e tillë u zyrtarizua vetëm pak ditë më parë. Duke folur për këtë në emisionin “Skaner” në MCN TV, Tahiri tha se ka shumë vite në futboll dhe tani vendosi të kandidojë për anëtar të KE, për të dhënë sadopak kontributin e tij.
“U bënë disa vite si futbollist dhe te moshat. Mendoj se jam në një kandidim, për të dhënë sadopak kontributin tim, për futbollin. Është shumë e vështirë, pasi duhet t’i mbushësh mendjen delegatëve, për ato që ke dhënë në futboll.
Unë nuk jam pjesë e ping-pong dhe hyra këtu pa pasur lidhje. Futbollin e njoh mirë. Edhe nëse jam apo edhe jo, unë përsëri do të jap kontributin tim për futbollin. Dua të falënderoj dy klubet që më propozuan dhe shpresoj që të bëjmë sa më mirë bashkë.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
