Trajneri Ardi Behari, mendon se ky është viti i Brazilit në Botëror.
Duke folur në emisionin “Skaneri i Botërorit” në MCN TV, Behari tha se “seleçaos” kanë një skuadër të shkurtër, si asnjëherë më parë dhe shtoi se ajo që e kënaq, është freskia e skuadrës.
Unë them se është viti i Brazilit, duke parë atë që tregojnë në fushë dhe harmoninë e lojtarëve. Edhe lojtarët e stolit janë të gatshëm dhe në të njëjtin kualitet me titullarët. Brazili është një skuadër e shkurtër, si asnjëherë më parë.
Këto e bëjnë një pretendent kryesor. Brazili e ka atë nektarin e futbollit. Portieri është një armë plus për Brazilin. Sistemi bazë është 4-2-3-1, por ky sistem shndërrohet në bazë të skuadrës në fushë.
Ky Brazil më kënaq, sepse e pashë të freskët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
