Fundi i lumtur për mesfushorin Luka Modric ka ardhur shumë shpejt . Kroati do të vijojë të mbrojë ngjyrat e Real Madridit deri në 30 qershorin e 2023-shit për arsye se mendon se ka akoma për ti dhënë ‘’ Galaktikëve ‘’ . Si duket 36 vjeçari do ta shtyjë varjen e këpucëve në gozhdë sepse beson se mund ta përfundojë karrierën me suksese dhe fakti i të qënit pjesë e një prej gjigandëve të futbollit botëror është tepër inspirues .
Lajmi është raportuar nga prestigjozja ‘ Marca ‘ dhe në një farë mënyre vendimi i Luka Modric është tepër llogjik sepse ‘’ Los Blancos ‘’ ia kanë dhënë të gjitha shanset për të pasuruar karrierën .
Vendimi për të braktisur Tottenhamin ka rezultuar i qëlluar në shenjë sepse që nga merkatoja e 2012-tës e deri më sot karriera e Luka Modric ka ardhur në ngjitje dhe kjo gjë është arritur falë investimeve të qëlluara të Florentino Perezit për skuadrën e tij të zemrës .
Me një total prej 540 ndeshjesh, 29 golash dhe 55 asistesh , mesfushori i lindur në Zadar është shëndërruar në një emblemë tek Real Madridi dhe gjithashtu është përfshirë në listën e lojtarëve më të mirë të historisë së klubit , vlerësim tepër i veçantë për ishi-in e ‘’ Gjelave të Londrës ‘’.
Eksperienca e tij i ka shërbyer mesfushës së Real Madridit të cilës i është bashkangjitur kreativiteti dhe inteligjenca për të zgjidhur situata të vështira gjatë lojës dhe asistimi i repartit të avancuar i cili i ka bërë shumë mirë detyrat në të shumtat e rasteve .
Pavarësisht se rendimenti sa vjen edhe zbehet , kontributi i dhënë në tërë këto vite s’mund të harrohej nga numri një i presidencës që e ka rikompensuar me qëndrimin më gjatë në ‘’ Santiago Bernabeu ‘’ , tepër i merituar për një lojtar të kalibrit të tillë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
