Tirana, Teuta dhe Kukësi janë tre ekipet gjysmëfinalistë të Kupës së Shqipërisë. Bardheblutë të cilët ishin thuajse të kualifikuar që në ndeshjen e parë, pasi fituan 4-1 në kryeqytet kundër Besëlidhjes sot ka marrë një barazim 1-1 në Lezhë. Të parët realizuan vendasit në pjesën e dytë, ndërsa në minutat e fundit Muçi barazoi për bardheblutë.
Në gjysmëfinale Tirana do të ndeshet me Teutën, pasi bardheblutë kanë fituar 1-0 ndeshjen e kthimit të çerekfinaleve me Vllazninë. ‘Djemtë e detit’ ishin më të avantazhuar në këtë sfidë, pasi 90 minutat e para në Shkodër u mbyllën me shifrat 2-2, por gjithsesi edhe në Durrës nuk i kanë lënë shumë shpresë ekipit mik.
Ndërkohë ndeshja tjetër mes Kukësit dhe Apolonisë ka përfunduar me rezultatin 3-1. Verilindorët vinin pas fitores 1-2 në Fier dhe nuk e patën të vështirë të mbyllnin llogaritë dhe të kalonin në gjysmëfinale, aty ku do të ndeshen me fituesin e çiftit Skënderbeu-Bylis.
Ndeshja e parë në Ballsh është mbyllur 1-0 dhe sot korçarëve iu duhet të përmbysin shifrat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
