Amir Abrashi nuk ia ka dalë dot të rikuperohet dhe do të mungojë për Shqipërinë në dy ndeshjet e radhës, miqësoret ndaj Spanjës dhe Gjeorgjisë.
Mesfushori ka pësuar një dëmtim muskulor, me skuadrën e tij në fundjavë dhe nuk ia doli të rikuperohet për të qenë nën urdhrat e trajnerit Reja për dy sfidat e radhës.
Ditën e sotme, Kombëtarja shqiptare ka zhvilluar seancën e radhës stërvitore në ditën e tretë të grumbullimit në Barcelonë.
Si zakonisht ekipi dhe stafi kuqezi kanë mbërritur në orën 16:00 në qendrën stërvitore “Royalverd Vall de Bas” për të zhvilluar seancën e ditës në kushte atmosferike mjaft të mira. Grupi është fokusuar një pjesë të mirë të kohës në ngarkesat fizike e më pas ka punuar me pjesën taktike, duke zhvilluar edhe ndeshje kontrolli mes dy grupeve ku janë aktivizuar të gjithë futbollistët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
