Një ndër objektivat e drejtuesve të Bayern Munchenit për merkaton e verës do të jetë natyrisht përforcimi i metrave të fundit.
Gjermanët kanë nisur një tjetër etapë me Vincent Kompany-n në stol dhe deri më tani i kanë bërë shumë mirë detyrat në kompeticionet pjesëmarrëse.
Megjithatë, në atë të Champions Leagues fatkeqësisht e kanë humbur çerekfinalen e parë në ‘’ Allianz Arena ‘’ me rezultatin minimal 1-2 ndaj Interit por kanë edhe një sfidë në ‘’ Giusseppe Meazza ‘’.
Ndërkohë në Bundesligë po kryesojnë bindshëm, me 6 pikë larg Bayer Leverkusenit, pas 29 sfidave.
Traineri belg e ka gjetur objektivin në Premier League, tek Aston Villa.
Morgan Rogers është një ndër më të spikaturit në këtë ligë, i cili ia ka shpërblyer besimin Unay Emery-s me 14 gola dhe 12 asiste në 45 sfida.
Në çdo të tillë anglezi ka evidentuar se mbetet një ndër pilarët e kryeqytetasve, një ekip i cili ka ndryshuar nën drejtimin e trainerit spanjoll.
Presidenti Herbert Hainer tashmë e ka hedhur hapin, i cili ka përgatitur afro 70 milionë euro për 22 vjeçarin, një shifër e konsiderueshme kjo.
E ardhmja e Morgan Rogers mund të ndryshojë, edhe pse është ende herët për ta përcaktuar një gjë të tillë dhe interesi i ish rekordmenëve të kampionatit gjerman pritet të analizohet me detaje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
