Pas katër muajsh tek Sevilla besohet se e ardhmja e Isco Alarcon do të ndryshojë përsëri.
Spanjolli ka vendosur ti japë fund eksperiencës me andaluzët dhe momentalisht nuk ekzistojnë shumë oferta për mesfushorin.
Gjithsesi Juventusi ia ka hapur dyert e ‘’ Allianz Stadium ‘’ pasi Massimilliano Allegri e konsideron një ndihmë për të ardhmen në këtë repart tek ‘’ Zonja e Vjetër ‘’.
30 vjeçari nuk ka bindur tek ‘’ Los Rojiblancos ‘’ dhe deri në këtë moment numëron vetëm 1265 minuta aktivizim , të ndara në 19 sfida , në të cilat ka shënuar 1 gol dhe ka shërbyer me tre asiste për shokët e skuadrës , të shoqëruara me një lojë shumë të vakët.
Ishi i Real Madridit konsiderohet një ndër transferimet më të dështuara të viteve të fundit tek Sevilla dhe për drejtorin teknik Monchi , largimi nga ‘’ Sanchez Pizjuan ‘’ është i domosdoshëm.
Bardhezinjtë mund t’ia rikthejnë buzëqeshjen Isco Alarconit , karriera e të cilit ka rezultuar me shumë ulje-ngritje dhe kjo histori sigurisht duhet të marrë fund njëherë e mirë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
