Traineri i Chelseat Thomas Tuchel ndihet mjaft i kënaqur me performancën e zhvilluar nga lojtarët e tij dhe kërkon qëndrimin disa elementëve kyç në ‘’ Stamord Bridge ‘’.
Flitet për rinovimet e Andreas Christensen , Cesar Azpilicueta dhe Antonio Rudiger që konsiderohen të domosdoshëm nga gjermani dhe kanë influencuar shumë në arritjen e sukseseve nga londinezët. Ishi i Borussia Dortmundit i ka bërë me dije drejtuesve që të fillojnë negociatat në lidhje me këtë çështje dhe këta të fundit janë shprehur të gatshëm për t’ia plotësuar dëshirën
48 vjeçarit i cili arriti një sukses historik sezonin e kaluar duke fituar për të 2-tën herë Champions Leaguen . Për momentin negociatat janë në avancë dhe numri një i pankinës së ‘’ Bluve të Londrës ‘’ shpreson që gjithçka të përfundojë me sukses sepse për lojtarët në fjalë janë interesuar disa ekipe , veçanërisht për Antonio Rudiger i cili pretendohet nga Juventus , Bayern Munchen dhe Real Madridi .
Duke marrë parasysh kontributin e dhënë tek Chelsea , për drejtuesit e kryeqytetasve është një domosdoshmëri plotësimi i kërkesave të Thomas Tuchel të cilit i mbetet shumë për të reflektuar tek kjo skuadër .
Deri më tani ecuria e Chelseat ka vijuar me ritme pozitive por patjetër që do ti duhet shumë punë për të mbrojtur trofeun e Champions Leagues dhe arritjes sa më larg në Angli , aty ku konkurrenca është tejet e ashpër .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
