Liga franceze vijon të jetë një destinacion shumë i preferuar i Milanit për arsye se në të kaluarën e ka dëshmuar se i ka ardhur mjaftueshëm në ndihmë kuqezinvje.
Rastet si Magnan, Kalulu, Rafael Leao dhe Ballo-Toure i kanë lënë një shije të mirë italianëve të cilët janë rikthyer përsëri për ti vjedhur të tjerë talentë .
19 vjeçari i Reims Hugo Ekitike ka ditur ti ngjisë shumë shpejt shkallët drejt suksesit dhe tashmë Milani sipas ‘ Calciomercatos ‘ e ka përfshirë në projektin ambicioz të Stefano Piolit , trainer që ka rezultuar një goditje cilësore e drejtuesve . \
Sulmuesi në fjalë ka dëshmuar se e ardhmja mund ti garantojë një eksperiencë ndryshe dhe si papritur është shfaqur ‘’ Djalli ‘’ , i gatshëm ta transferojë në mitikun ‘’ San Siro ‘’.
Francezi është një lojtar me shumë pretendime, fakt të cilin e konfirmoi me refuzimin e 40 milionë eurove të ofruara nga Newcastle duke dhënë për të kuptuar se kërkon një ekip të elitës i cili mund ta afrojë me trofetë dhe sigurisht të shijojë emocionet e evenimenteve më të rëndësishëm të futbollit.
Pavarësisht peripecive të cilat i kanë forcuar , djemtë e Stefano Piolit vijojnë rrugën drejt rikuperimit të terrenit të humbur , projekt që bazohet në transferimin e lojtarëve që kanë lënë gjurmë në ekipet respektive dhe Hugo Ekitikes i është prezantuar një shans ideal sepse flitet për një skuadër me shumë histori në sportin më të ndjekur në planet .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
