Prej kohësh sulmuesi Marcus Thuram po ndiqet nga disa klube me emër , ndër të cilat spikat Interi.
Drejtuesit e zikaltërve janë të ndërgjegjshëm se për tu rikthyer tek trofetë e rëndësishëm duhet të afrojnë në ‘’ Giusseppe Meazza ‘’ lojtarë cilësorë por duke patur parasysh problemet e theksuara në aspektin ekonomik, largimet konsiderohen të domosdoshme për ish fituesit e Scudettos.
25 vjeçari francez po shkëlqen tek Borussia Monchengladbah dhe gjermanëve nuk u ka mbetur opsion tjetër veçse të përcaktojnë vlerën për largimin e golashënuesit, kontrata e të cilit merr fund në 2023- shin.
10 milionë euro është shifra që duhet të paguajë Interi për të siguruar shërbimet e Marcus Thuram , djali i legjendës dhe njëkohësisht fituesit të Botërorit të 1998-tës Lilian Thuram .
Duhet theksuar se ishi i Guingamp mund të aktivizohet në të gjitha pozicionet e ofensivës , si përshembull ekstrem apo qendërsulmues, fakte të cilët e kanë favorizuar gjatë ndeshjeve por transferimi në Milano do të varet nga largimet e Joaquin Correas dhe Edin Dzekos.
Katër sezone tek Borussia Monchengladbahu i kanë shërbyer talentit të lindur në Parma për të rritur kualitetin dhe interesi i Interit reflekton qartazi potencialin e Marcus Thuram.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
