Duke qenë se Gianluigi Donnarumma ende nuk e ka arritur marrëveshjen për rinovimin e kontratës me drejtuesit e Paris St Germain këta të fundit kanë filluar të mendojnë për zëvëndësuesin e tij.
Përpjekjet e tyre mesa duket kanë patur sukses dhe bëhet fjalë për Lucas Chevalier, i cili aktivizohet në rradhët e Lilles.
Negociatat ndërmjet palëve kanë avancuar ashtu siç pritej dhe presidenti i ‘’ Les Dogues ‘’ Olivier Letang pretendon të arkëtojë rreth 40 milionë euro për 23 vjeçarin.
Kjo shifër nuk përbën aspak problem për xhepat e Nasser Al Khealifit, një president i cili ka dhënë maksimumin ndër vite për kryeqytetasit duke i shëndërruar në një ndër ekipet më të mirë të botës.
Ndërkohë lista e pretendentëve s’mbaron me kaq sepse edhe në Premier League Manchester City dhe Manchester United synojnë të përfitojnë shërbimet e Lucas Chevalier, ç’ka do të thotë se do të jetë një tjetër sfidë gjigandësh në kontinentin e vjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
