Ennur Totre është një nga lojtarët më të spikatur në 8 javët e para të kampionatit shqiptar. Mesfushori ka treguar paraqitje të shkëlqyera me Tiranën, duke pasur edhe ai meritën e tij, për formën e mirë që po kalojnë bardheblutë.
Vetë klubi i Tiranës, ka bërë të ditur sot se Totre është thirrur në grumbullim me Maqedoninë e Veriut, për ndeshjet e nëntorit.
Trajneri i Maqedonisë, Blagoja Milevski, ka vendosur të grumbullojë yllin e Tiranës, duke i dhënë kështu një mundësi të artë për të treguar veten.
Maqedonia e Veriut do të përballet me 11 nëntor me Armeninë dhe 14 me Islandën, ndeshje këto të vlefshme për kualifikueset për Kupën e Botës.
25-vjeçari është aktivizuar vetëm një herë më kombëtaren maqedonase, teksa kujtojmë se më parë ka qenë pjesë e Shpresave të Shqipërisë por pa mundur të debutojë më fanellën kuq e zi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
