Partizani ka marrë një fitore shumë të rëndësishme, teksa ka mposhtur 2-1 me përmbysje Teutën, në ndeshjen e vlefshme për javën e 10-të në Abissnet Superiore. Në “Elbasan Arena” ishte një ndeshje me të vërtetë spektakolare, e cila i kishte të gjitha brena.
Durrsakët kaluan të parët në avantazh në minutën e 26-të me Gorgiev, ndërsa pjesa e dytë ishte tjetër histori. Të kuqtë e nisën menjëherë në sulm, duke kërkuar me ngulm golin e barazimit.
Pjesë e lojës ishin edhe nervat, teksa kjo u pa në një përplasje të Albion Markut me Albano Aleksin në minutën e 86-të, aty ku të dy lojtarët më pas u ndëshkuan me kartonë të kuq, duke lënë skuadrat me 10 lojtarë.
Kur të gjithë mendonin se Partizani po shkonte drejt humbjes, erdhi edhe përmbysja. Në minutën e 90-të, Stenio Junior shndërroi në goli një penallti për prekje me dorë, ndërsa 6 minuta më vonë Tedi Cara çoi në delir të kuqtë, duke shënuar edhe golin e përmbysjes, pas një pasimi të marrë nga Mala.
Me këtë fitore, Partizani ngjitet në vendin e pestë me 12 pikë, 1 më pak se Teuta e vendit të katërt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
