Pas pesë ndeshjeve pa fitore, Erzeni është rikthyer te fitorja. Shijakasit mposhtën me rezultatin 2-1 Egnatian në ndeshjen e vlefshme për javën e 25-të në Abissnet Superiore.
Erzeni kaloi në avantazh të dyfishtë, falë golave të Kahrimanovic në minutën e 33-të dhe Nonato në minutën e 38-të.
Rrogizhinasit nuk u dorëzuan dhe ngushtuan diferencat në fundin e pjesës së parë me golin e Dwamena. Pjesa e dytë, ishte me të vërtetë spektkolare, ku u anuluan dy gola.
Nonato shënoi golin e tretë për Erzenin në minutën e 72-të, por goli u anulua nga VAR për pozicion jashtë loje. 12 minuta më vonë, ishte Dwamena që shënoi golin e barazimit, por edhe këtë herë u anulua për pozicion jashtë loje.
Fundi ishte dramatik, pasi pak minuta pas golit të anuluar, sulmuesi i Egnatias u shfaq edhe dy herë të tjera përballë portës, ku njëherë u ndal nga shtylla dhe herën tjetër nga portieri Xhika.
Me këtë fitore, Erzeni ngjitet në vendin e katërt me 36 pikë, 1 më pak se Egnatia e vendit të tretë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
