Trajneri i Skënderbeut, Ivan Gvozdenovic, u shfaq i lumtur pas fitores që skuadra e tij mori ndaj Partizanit.
Për MCN TV, Gvozdenovic deklaroi se ekipi i tij e meritoi, ndërsa tha se nuk ka diferenca mes ekipeve në Shqipëri.
Është bukur kur fiton një derbi. Sot ishte një derbi, atmosfera shumë e mirë. Kundërshtari ishte shumë i mirë. Në pjesën e parë luajtëm barabartë, në të dytën e nisëm mirë, por Alia na shpëtoi në dy raste. E merituam këtë fitore.
Ky është kampionati shqiptar. Nuk ka diferenca të mëdha mes ekipeve. Fituam me Egnatian, u mposhtëm nga Kukësi dhe fituam me Partizani. Jemi shumë të kënaqur dhe të lumtur me këtë fitore sot.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
