Mërgjyshi: Nuk flasim për objektivat, do jetë një kampionat i vështirë

Trajneri i Vorës, Artan Mërgjyshi, foli për MCN TV, pas fitores që skuadra e tij mori në ndeshjen hapëse ndaj Besës.

Mërgjyshi deklaroi se do tregohen të kujdesshëm për të folur për objektiva madhorë, ndërsa shtoi se do të jetë një kampionat i vështirë.

Gjithmonë ndeshje e para, kanë koeficient vështirësie të madh, pasi vijnë të motivuara. E kishim vlerësuar maksimalisht këtë ndeshje. Mund të themi se na shkoi mirë. Nuk ishte një ndeshje e lehtë.

Besa u tregua e fortë në pjesën e parë. Në pjesën e dytë u shfaqëm më mirë. Kjo fitore na rrit besimin për të ardhmen. E dimë që do të jetë një kampionat i vështirë.

Ne jemi të kujdesshëm për të folur për objektivat. Nuk kemi frikë nga kundërshtarët. Do të jetë një kampionat i vështirë. Nuk duam të flasim për objektiva.