Napoli vazhdon të shkëlqejë në kampionat, teksa ditën e djeshme mposhti edhe Fiorentinën, duke regjistruar fitoren e 7-të radhazi në po kaq ndeshje të Serie A.
Trajneri Luciano Spalletti po bën një punë të shkëlqyer dhe së fundmi ka marrë një ngacmim nga rivali, Jose Mourinho.
Të dy trajnerët u shfaqën në mikorofonat e “DAZN”, pas ndeshjeve të tyre dhe portugezi e ngacmoi në distancë homologun e tij.
“Spallettone i madh çkemi. Keni ndërmend t'i fitoni të gjitha ndeshjet?! Për mendimin tim, ju do të humbisni në ndeshjen e radhës jashtë”, tha Mourinho, duke iu referuar ndeshjes që të kaltrit luajnë me Romën.
Nuk mungoi as përgjigjja e Spallettit, i cili u shpreh: “Qetësohu, ti je i rrezikshëm dhe parashikimi mund të jetë kundër teje.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
