Lufta e pandalur e drejtuesve të Juventusit tashmë është shpërblyer . ‘’ Zonja e Vjetër ‘’ është drejt rikthimit të Massimiliano Allegrit në ‘’ Allianz Stadium ‘’ që do ti mundësojë rikuperimin e gabimeve të shumta italianëve gjatë sezonit të lënë pas . 53 vjeçari kërkohej me ngulm edhe nga Real Madridi por zemra i ka rrahur përsëri për torinezët me të cilët ka shijuar shumë suksese në të kaluarën . Siç përflitej kohë më parë këtij Juventusi i duhej një mentalitet fituesi në pankinë për të evituar rrezikun e mbetjes pa tituj të rëndësishëm në vitrinë . Italiani e ka fituar ‘’ luftën ‘’ me Zinedine Zidane që konsiderohej si një prej kandidatëve kryesorë dhe njëkohësisht ia ka çuar dëm tentativën Florentino Perezit që pretendonte transferimin e tij në ‘’ Santiago Bernabeu ‘’. Eksperienca 5 vjeçare saktësisht nga 2014-2019-tën me Juventusin i ka dhënë shumë pikë gjigandëve të Scudettos sepse e kanë dominuar plotësisht Italinë por kanë dështuar në Europë me dy finale të humbura në Uefa Champions League kundër Barcelonës dhe Real Madridit duke ia prerë në mes shpresën tifozerisë se zjarrtë juventine për të festuar trofeun e 3-të në histori .
Me Andrea Pirlon Juventusi mori një leksion të rëndësishëm që do ti shërbejë për të evituar hapat falsë sepse ishte fare pranë një humnere dhe rrezikonte mospjsëmarrjen në këtë kompeticion por arritën të dilnin në sipërfaqe dhe tashmë me figurën e Massimiliano Allegrit fitimi i këtij trofeu bëhet edhe më i mundshëm pavarësisht se konkurrenca ashpërsohet me kalimin e kohës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
