Trajneri i Flamurtarit, Eqerem Memushi, foli për MCN TV, pas fitores 2-0 ndaj Korabit.
Memushi deklaroi se është i lumtur me skuadrën, ndërsa shtoi se vlonjatët e kanë të ndaluar për të gabuar.
Skuadra ka reaguar dhe ka luajtur ashtu si ne donim, jam i kënaqur nga skuadra. Pas golave patëm përsëri raste për të shënuar, por kemi gabuar nga metrat e fundit, gjithashtu kemi goditur një shtyllë.
Lëvizja e Indios ishte fitorja, pasi ai kërkon ta marrë lojën në krahun e djathtë dhe prandaj e zhvendosëm. Ishte ndeshje e mirë, falënderoj djemtë për lojën, urime edhe Korabit për atë ndeshje korrekte.
Flamurtari e ka të ndaluar të gabojë, ne do vazhdojmë rrugën tonë. Tashmë dihen objektivat, ne duam Superioren, mos ulim ritmin deri në fund të garës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
