Trajneri i Tiranës, Julian Ahmataj, foli për MCN TV, pas ndeshjes, ku skuadra e tij barazoi 2-2 ndaj Laçit.
Ahmataj tha se në pjesën e parë ekipi bëri një ndeshje perfekte, ndërsa në të dytën ndryshoi gjithçka.
Ishte një ndeshje me dy tablo, si në derbi ndaj Partizanit. Në pjesën e parë ishte një ndeshje perfektë. Mund të kishim shënuar edhe gola të tjerë. Në futboll duhet të jesh i fokusuar në çdo moment.
Skuadra duhet të bënte presion më lart. Euforia e pjesës së parë, solli çekuilibrim në pjesën e dytë. U ul pak agresiviteti, u ul pak lufta, u krijua më shumë tolerancë, skuadra tjetër ka lojtarë me kualitet, i marrin më mirë situatat. Ndërkohë ne duhet të ishim më agresivë. Më të luftuar në fushën e lojës, sepse duhet ta mbanim larg portës kundërshtarin tonë siç e mbajtëm në pjesën e parë.
Ne çdo ditë punojmë për t’u përmirësuar dhe për të arritur majat. Tirana vetëm këtë objektiv ka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
