Bekim Balaj e mbyll me skuadrën e Sturm Graz. Sulmuesi i Shqipërisë, nëpërmjet faqes së tij në rrjetet sociale, ka njoftuar mbylljen e aventurës te skuadra austriake. Balajt i ka përfunduar kontrata dhe duke parë minutat e pakta që ka pasur këtë sezon, ka vendosur të mos rinovojë, duke zgjedhur largimin.
Në postimin e bërë, lojtari falënderon klubin dhe i uron suksese në vazhdim. Shkodrani në 29 ndeshje të zhvilluara këtë sezon, ku shumicën i ka nisur nga stoli, ka arritur të shënojë 3 gola. Sulmuesi 30-vjeçar ishte pjesë e Sturm Grazit për 2 sezone, ndërsa tashmë që ka vendosur të largohet, është një lojtar i lirë dhe në kërkim të një skuadre të re ku të vazhdojë karrierën e tij futbollistike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
