Mbërritja e Julian Nagelsmann tek Bayern Munchen u konsiderua si një goditje shumë e qëlluar nga bavarezët . Puna e shkëlqyer e bërë me Leipzigun ka arritur ti bindë protagonistët e Bundesligës se me gjermanin mund ta çojnë deri në fund revolucionin e menduar . 33 vjeçari i është futur menjëherë punës dhe po analizon goditjet e merkatos që do ta mbajnë Bayernin në të njëjtin nivel sezonin tjetër . Prej vitesh kanë treguar se nuk mund të mposhten në kampionat por ishi i Leipzigut kërkon ta zgjerojë dominimin edhe në Europë .
Eleminimi nga Paris St Germain ishte një episod i hidhur për këtë skuader që shpreson të rikuperojë terren në sezonin e ri . Një nga pozicionet që kërkon të përmirësojë Julian Nagelsmann është sulmi pavarësisht se me Robert Lewandovskin Bayernit nuk ka mundur t’ia ndalë rrugën asnjë kundërshtar . Por e ardhmja e polakut nuk është e sigurtë në ‘’ Allianz Arena ‘’ sepse ndiqet nga disa emra të njohur në Europë dhe Bayerni duket se e ka gjetur zëvëndësuesin e tij .
Eshtë sulmuesi i Leipzigut Alexander Sorloth i cili nuk ka te ndalur me shkëlqimin në fushë . 25 vjeçari prej disa sezonesh ka avancuar ndjeshëm dhe Bayerni i ka hedhur grepat për ta afruar në ‘’ Allianz Arena ‘’ . Puna e palodhur në Turqi tek Trabzonspori i krijoi menjëherë mundësinë për të kaluar tek Leipzigu.
Këtë sezon ka rezultuar shumë pozitiv sepse është aktivizuar në 36 sfida duke regjistruar 6 gola dhe 3 asiste . Efektet në loje kanë qënë të menjëhershme dhe e kanë dërguar drejt kësaj piste . Transferimi tek Bayern do të ishte plotësimi i endërres për shtatlartin nga Trondheim sepse do të bëhej pjesë e një skuadre yjesh .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
