Bilardis nga qytete të ndryshme të Shqipërisë dhe Ballkani janë mbledhur në Laç. Prej 17-nëntorit në këtë qytet ka startuar kompeticioni "Steka e Artë 2023", me pjesëmarrjen e rreth 35 sportistëve mes të cilëve dhe Eklend Kaçi, i riu Kurbinas i shpallur 4 herë kampion bote në bilardo.
Ky aktivitet ballkanik po organizohet nga Federata Shqiptare e Bilardos dhe Snookerit në bashkëpunim me Bashkinë Kurbin, ndërsa organizatorët premtuan mbështetje maksimale ndaj këtij sporti.
"Steka e Artë 2023", do të përmbyllet me 19-nëntor ku do të shpallen edhe fituesit e këtij kompeticioni ballkanik, i cili po tërheq vëmendjen e qytetarëve të shumtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
