Dusan Vlahovic dhe Arkadiusz Milik i kanë rezultuar të pamjaftueshëm Massimiliano Allegrit në këtë fillim sezoni dhe traineri italian ka kërkuar përforcime për vijën sulmuese në merkaton e janarit .
Enes Unal i Getafes po bën paraqitje për tu duartrokitur me madrilenët, lojtar që sezonin e kaluar e finalizoi me 16 gola në 37 takime duke evidentuar se duhet patjetër të merret në konsideratë .
25 vjeçari pavarësisht se mbron ngjyrat e një ekipi mesatar tashmë është përfshirë në merkaton e ‘’ Zonjës së Vjetër ‘’ , skuadër e cila ka një rënie rendimenti të theksuar, fakt që ka ndikuar në eleminimin nga faza e grupeve të Champions Leagues dhe renditet në një pozicion aspak komod në Serinë A.
Spanjollët pretendojnë 30 milionë euro për turkun por ish rekordmenët e Scudettos nuk do të jenë të vetmit në këtë sfidë , ashtu siç ndodh rëndomtë në merkato sepse do të sfidohen nga Atletico Madridi, një tjetër surprizë në kompeticionin më të rëndësishëm europian nga rëndësia në krahasim me sezonet e kaluara.
Sigurisht nëse do të largohet nga ‘’ Coliseum Alfonso Perez ‘’ , Enes Unal do të shëndërrohej në shitjen më të shtrenjtë në historinë e Getafes, i cili deri më tani e ka treguar se e meriton kalimin tek një ekip elite.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
