Milani, zgjedh zëvëndësuesin e Pavloviç

Në sezonin e parë me Milanin Stahinja Pavlovic po tregon se drejtuesit kanë bërë zgjedhjen e duhur gjatë merkatos së shkuar.

Serbi po e konsolidon vendin e një titullari në skemat e Sergio Conceiçaos, për të cilin tashmë disa ekipe në kontinentin e vjetër kanë shfaqur interes.

Përballë kësaj situate, reagimi ka qenë i menjëhershëm nga krerët e ‘’ Djallit ‘’, të cilët po analizojnë një opsion të mundshëm për tu transferuar në ‘’ San Siro ‘’.

Jhon Lucumi prej tre sezonesh po shkëlqen në rradhët e Bolognas, i cili është në lartësinë e duhur për ta përfaqësuar Milanin në të ardhmen e afërt.

Kontrata me kuq e blutë përfundon pas një viti dhe ish kampionët e Champions Leagues do të tentojnë të përfitojnë nga ky fakt.

Me shitjen e serbit arkat e Milanit do të fuqizoheshin dhe sigurisht do ta arrinin këtë marrëveshje për një shifër më inferiore, ç’ka do ti mundësonte blerjen e të tjerë elementëve gjatë merkatos së verës.

Pretendentët nuk kanë munguar për Stahinja Pavlovic dhe mbërritja e Jhon Lucumit në Milano me shumë gjasa do të jetë një përforcim cilësor për prapavijën.