Trajneri i Skënderbeut, Migen Memelli thotë se skuadra e tij do të guxojë edhe në sfidën e nesërme ndaj Vllaznisë, e cila do të zhvillohet në “Loro Boriçi”. Duke folur për ndeshjen e nesërme, Memelli theksoi se skuadra e tij do të kërkojë 3 pikët, ashtu siç ka bërë në të gjitha sfidat e tjera.
Më tej ai tha se ka harmoni në ekipin që drejton dhe shpreson që paraqitja e skuadrës mos ketë rënie nga ajo që ka treguar në ndeshjet e fundit.
“Çdo ndeshje ka planin e saj. Do përgatitemi për një plan vetëm të detajuar në Shkodër sepse Vllaznia është një skuadër pretendente, por gjithsesi jam i bindur se sikur në çdo ndeshje tjetër edhe atje do të bëjmë një paraqitje të jashtëzakonshme.
Faktori fushë në futboll tani nuk ndikon shumë, por ne do të bëjmë mirë, është një terren i mirë dhe do të shkojmë më mendimin që performanca të mos bjerë nga ndeshjet e fundit që do të thotë që do bëjmë maksimumin dhe për të marrë pikët e plota në Shkodër.
Ne guxojmë në çdo fushë të Shqipërisë për të marrë maksimumin, pavarësisht kush është kundërshtari, ne do guxojmë sepse kemi harmoninë e mirë në skuadër, kemi cilësi dhe nga këto gjëra ne kemi besim si staf”, u shpreh Memelli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
